Dáiddauniversitehta CERADA-dutkanguovddáš (Center for Educational Research and Academic Development in the Arts)

CERADA-dutkanguovddáš lea Suoma dáidda- ja kulturbajásgeassima observatoria hálddašeaddji, nubbi oamasteaddji ja vuođđudeaddjilahttu.

CERADA doaimmat vudjot eanaš dáiddabajásgeassima dutkamii ja dáiddasuorggi alladási skuvlejumi dutkamušvuđot ovddideapmái. Dutkamuš vástida dáiddabajásgeassima ja dáiddasuorggi alladási oahpahusa ovddidandárbbuide ja dáiddáriid ja dáiddasurggiid oahpaheddjiid fágalaš ovdáneami dárbbuide.

Observatorias dutkanguovddáža ovddastit professor Eeva Anttila ja dutkanguovddáža jođiheaddji Kai Lehikoinen.

Suoma mánáidkulturguovddáža lihttu rs.

Suoma mánáidkulturguovddáža lihttu lea observatoria nubbi oamasteaddji ja vuođđudeaddjilahttu. Lihttu ovddida fágalaččat doaibmi mánáid- ja nuoraidkulturguovddážiid doaibmaneavttuid ja nanne mánáidkultursuorggi máhtu ja dovdama riikkaviidosaččat. Lihttu lágida jahkásaččat Riikkaviidosaš mánáidkulturforuma ja fállá mánáidkulturdoibmiide fierpmádatvejolašvuođaid.

Observatoria doaimmain lihtu ovddasteaba lihtu doaimmajođiheaddji Aleksi Valta ja stivrra lahttu ja ARX-kulturguovddáža mánáidkulturhoavda Minna Haveri.

Aalto-universitehta Dáidaga lágádus

Aalto-universitehta lágádusa dovdet hui buori dáiddalaš ja árrabajásgeassindoaimmas ja lassin dutkamušas. Lágádusas leat golbma skuvlenprográmma, maid jođihit guđege suorggi njunuš dutkit ja ámmátolbmot. Prográmmat gieđahallet váldoáššis dáiddabajásgeassima, davviriikkaid visuála gulahallama ja visuála kultuvrraid ja dáládáidaga. Dáidaga lágádus skuvle ja válmmaštallá ámmátolbmuid dáiddabajásgeassima, kuraterema, visuála kultuvrra ja dáládáidaga surggiide.

Observatoria doaimmain Aalto-universitehta Dáidaga lágádusa ovddasteaba professor Anniina Suominen ja universitehtalektor Tiina Pusa.

Lappi universitehta dáidagiid dieđagoddi

Diehtaga ja dáidaga gaskasaš gulahallan lea aktiivvalaš oassi Lappi universitehta dáidagiid dieđagotti oahpuin, dutkamušas ja dáidagis ja lassin ovttasbargu servodaga iešguđet oassebeliiguin. Diehtaga ja dáidaga oktavuođa nanne maiddái dieđagotti spiehkkaseaddji sajádat oassin máŋggasuorggat dieđauniversitehtas.

Dieđagoddi bargá riikkaidgaskasaččat innovatiivvalaš barggu biras-, searvvuš- ja dálvedáidaga olis ja ráhkada ođđa ja innovatiivvalaš bálvalushábmema ja dáiddabajásgeassima metodaid. Máŋggabealagit riikkaidgaskasaš searvvušfierpmádagaid bokte dat ráhkada šaldi Eurohpá davimus guovlluid kultuvrii, dáidagii ja dáiddaskuvlejupmái.

Observatoria doaimmain Lappi universitehta dáidagiid dieđagotti ovddasteaba professor Mirja Hiltunen ja universitehtalektor Maria Huhmarniemi.

Haukkala vuođđudus

Haukkala vuođđudusa ulbmil lea ovddidit mánáid ja nuoraid mielladearvvašvuođa doarjumiin psykiatriijalaš ja psyhkalaš-sosiála hehttehusaid ja olgguštuvvama dutkamuša, ovddalgihtii eastadeami, divššu ja veajuiduhttima ja suorggi skuvlejumi ja lassin ovddidan- ja almmustahttindoaimma ovttasbarggus suorggi eará doibmiiguin našuvnnalaččat ja riikkaidgaskasaččat.

Observatoria doaimmas Haukkala vuođđudusa ovddasta vuođđudusa sátnejođiheaddji, psykologiija emeritaprofessor (Jyväskylä universitehta) Lea Pulkkinen, guhte lea gitta 1990-logu rájes bargan aktiivvalaččat daid dáidda- ja kulturáiggeájiid ovdii, mat dáhpáhuvvet skuvlabeaivvi oktavuođas.

Dáidaga vuođđooahpahuslihttu

Dáidaga vuođđooahpahuslihttu ovttastahttá lahttoorganisašuvnnaidis ja ovddida dáidaga vuođđooahpahusa servodatlaš árvvu ja sajádaga. Lihtu doaimma guovddážis lea ovddidit dáidagiid gaskasaš ovttasbarggu ja dásseárvvu dáiddabajásgeassimis.

Lihttu oassálastá vuođđooahpahussii laktáseaddji ságastallamii ja viggá váikkuhit suorgái ja dan ruhtadeapmái guoski čovdosiidda. Lihttu almmuha oainnuid áigeguovdilis skuvlen- ja kulturpolitihkalaš jearaldagaide ja oassálastá áššedovdin suorggi fierpmádagaid doaibmamii.

Observatoria doaimmas TPO-lihtu ovddasteaba lihtu doaimmajođiheaddji Viivi Seirala ja Govvadáiddaskuvllaid lihtu vd. doaibmajođiheaddji Eliisa Sorvali.

Álbmotoahpahagaid lihttu

Álbmotoahpahagaid lihttu KoL - Medborgarinstitutens förbund MiF ry lea jagi 1919 vuođđuduvvon ovdogozihanorganisašuvdna. KoL doaibmá álbmot- ja bargiidoahpahaga ja maiddái friddja čuvgehusbarggu ovdogohccin ja váikkuheaddjin.

Observatoria doaimmas Álbmotoahpahagaid lihtu ovddasta lihtu doaimmajođiheaddji Jaana Nuottanen.

Oahpahus- ja kulturministeriija